Parij, Melburn va London talabalar uchun 2015-yildagi eng yaxshi shaharlar deb topildi

Buyuk Britaniyaning QS Quacquarelli Symonds kompaniyasi 2015-yildagi talabalar uchun eng yaxshi shaharlar reytingini e’lon qildi, deb xabar bermoqda “RIA Novosti”.

Shaharlar besh yo‘nalish bo‘yicha baholandi: universitetlar nufuzi, talabalar orasidagi mashhurligi, jozibadorlik, ish beruvchilar orasida ommaviyligi va ta’lim narxi. Reyting jami 50 shaharni o‘z ichiga olgan.

Parij, Melburn, London, Sidney, Gonkong, Boston, Tokio, Monreal, Toronto va Seul shaharlari kuchli o‘nlikka kirgan. Singapur 15, Nyu-York 17, Barselona 19, Pekin 26, Milan 36, Madrid 39, Vashington 42, Moskva 43, Mexiko 50-o‘rinda ko‘rsatilgan.