Usama bin Ladenning haykalchasi Los-Anjelesdagi kimoshdi savdosida 11,8 ming dollarga sotildi, deya xabar berdi UPI. Lotning boshlang‘ich narxi 2,5 ming dollarni tashkil etdi.
“Iblis ko‘zlari” deb ataladigan 30 santimetr balandlikdagi qo‘g‘irchoq Markaziy razvedka boshqarmasi xodimlari tomonidan 2005-yilda yaratilgan. Unga maxsus modda surilgan bo‘lib, u issiqlik ta’sirida erib, yo‘qoladi va bin Ladenning ikkinchi, iblisona basharasi paydo bo‘ladi.
O‘yinchoqlar AQSh ta’sir operatsiyasining timsollaridan biri bo‘lib, shu yo‘l bilan Amerika maxfiy xizmati pokistonliklarga bin Ladenning haqiqiy yuzini ko‘rsatib, uning terrorchilik mafkurasidan qaytarmoqchi bo‘lgan. Biroq uchta haykalcha ishlab chiqilganidan so‘ng, tez orada bu loyihadan voz kechishgan.
Qo‘g‘irchoq muallifi o‘yinchoqlar ishlab chiqaruvchi Hasbro kompaniyasining sobiq top-menejeri Donald Levindir. U 2014-yil martida vafot etgach, o‘g‘li haykalchani kimoshdi savdosiga qo‘yishga qaror qildi.
Izoh (0)