O‘zbekistonda avtomobillarni xarid qilish, sotish va ijaraga olish uchun yangi saytlar ochildi

O‘zbekistonda avtomobillarni xarid qilish, sotish va ijaraga olish uchun mo‘ljallangan yangi saytlar ochildi, deya xabar bermoqda Bibi.uz.

Car.uz saytida sotilayotgan mashinalar, tantana va marosimlar uchun ijaraga beriladigan avtomobillar haqidagi e‘lonlarni ko‘rish imkoniyati mavjud.

Uzcar.uz saytida esa avtomobil sotib olish va ijaraga olish haqidagi e‘lonlar bilan tanishishdan tashqari, o‘zingiz ham sotiladigan mashinangiz to‘g‘risida ma’lumot joylashingiz mumkin. Saytda mashina xizmatlari hamda sotiladigan ehtiyot qismlari haqidagi e‘lonlar ham mavjud.

Va nihoyat, proavto.uz saytida sotiladigan mashinangiz narxini belgilashingiz mumkin. Bu yerda ham mashina oldi-sotdisi bo‘yicha e‘lonlar bor. Lekin sayt hali to‘laqonli ravishda ishga tushirilmagan.