Niderlandiyada Ukrainadagi aviahalokatning 284 nafar qurbonlari shaxsi aniqlandi. Bu haqda 24-oktabrda mamlakatning Adliya va xavfsizlik vazirligiga tayanib “TASS” xabar berdi.
So‘nggi haftada yana 6 kishining shaxsi aniqlandi, ularning 5 nafari niderlandiyaliklar, bir nafari ajnabiydir. Bu haqda birinchi navbatda halok bo‘lganlarning qarindoshlari xabar topishdi.
“Malayziya havo yo‘llari” ga tegishli bo‘lgan, Amsterdam – Kuala Lumpur yo‘nalishida harakatlanayotgan Boeing 777 17-iyulda Ukrainaning Donetsk viloyatida halokatga uchragan edi. Samolyotda ketayotgan 298 nafar kishining barchasi nobud bo‘lgan. Ularning ko‘pchiligini niderlandiyaliklar (196) tashkil etgan.
Hozirda kriminalistlar qolgan jasadlarning shaxsini aniqlash ustida ishlamoqda.
Izoh (0)