Argentina chempionatining uchinchi divizioni doirasida “Deportivo Roka” va “Sipolyetti” jamoalari o‘rtasidagi o‘yinda noodatiy holat yuzaga keldi, deya xabar berdi Sovsport.ru.
Ikkinchi taymda bosh arbitr “Sipolyetti” o‘yinchisi Markos Lamolyu va uning raqibi Fernando Fernandesni janjal tufayli o‘yindan chetlashtirdi. Shundan so‘ng maydonda har ikkala jamoa futbolchilari o‘zaro mushtlashib ketishdi.
Natijada hakam har ikkala klubdan jami 12 kishiga qizil kartochka ko‘rsatdi. Biroq maydonda juda kam miqdorda o‘yinchilar qolgach, uchrashuvni oxirigacha o‘ynamaslikka qaror qilindi.
Izoh (0)