Ark qo‘rg‘oni— Buxoro davlat badiiy-me’moriy muzey-qo‘riqxonasining shimoli-g‘arbiy qismidagi bir necha oy avval qulab tushgan devorni qayta tiklash ishlari yakunlandi. Bu haqda “Sharq ekspressi” nashri xabar bermoqda.
Qayta tiklash ishlarini Usta Shirin Murodov nomidagi maxsus ilmiy-restavratsion ishlab chiqarish boshqarmasining restavrator ustalari amalga oshirdi.
Avvaliga devorning buzilgan qismini eski g‘ishtlardan tozalab, uning poydevor qismini chuqurlashtirishdi. Armaturalangan devorga beton quyilganidan so‘ng metalli konstruksiya bilan mustahkamlangan devorni ko‘tara boshlashdi. Bunda qal’a devorlarini qurishning qadimgi usullari hisobga olindi.
Izoh (0)