Xalq deputatlari Toshkent shahar kengashi sentabr oyi oxiridagi majlisida ikki yangi ko‘cha, bir maydon va bir qator tor- hamda berkko‘chalarning nomlarini tasdiqladi. Bu haqda Toshkent shahar hokimligi axborot xizmatiga asoslanib, “Kun” xabar bermoqda.
Toshkent shahrining Shayxontohur va Olmazor tumanlarini bog‘lovchi va Mustaqillik bayrami arafasida foydalanishga topshirilgan yangi aylanma yo‘l (loyihadagi G-50 ko‘chasi) Nurafshon nomini oldi.
Mirzo Ulug‘bek tumanidagi boshqa bir yangi ko‘chaga, joydagi daha va mahalla nomi bilan uyg‘unlashtirish maqsadida Humoyun nomi berildi.
Deputatlar qaroriga asosan, Shayxontohur tumanidagi sobiq “Ganga” savdo majmuasi oldidagi maydon esa Gulzor deb nomlangan.
Uchtepa tumanidagi sakkizta yangi ko‘chaga Izza 13—20-torko‘chalari nomi berilgan, yangi berkko‘cha esa Izza berkko‘chasi deb atalgan.
Sergeli tumanidagi yettita yangi ko‘cha esa Lutfkor 4—10-tor ko‘chalari, Mirzo Ulug‘bek tumanidagi yettita yangi ko‘cha Humoyun 1—7-tor ko‘chalari, xuddi shu tumandagi yangi olti ko‘cha esa Ne’mat 1—6-tor ko‘chalari deb atalgan.
Izoh (0)