Samsung hali sotuvi boshlanmagan Galaxy Note 4 planshetofonining yangi 4 daqiqalik reklama roligini taqdim etdi. Bu haqda Phonearena.com sayti ma’lumotiga asoslanib “Parol” nashri xabar berdi.

Videorolikda Galaxy Note 4 foydalanuvchisi bo‘lgan ikki do‘st tasvirlanadi va ular imkon boricha so‘zlariga Note’ni (albatta, bu Galaxy Note’dan olingan) qo‘shib gapirishni boshlashadi.

Ular o‘zlariga “decaffinated” deb kofeinsiz qahva buyurtma qilish o‘rniga “decaffiNOTEd” deyishadi. So‘zlariga shunchalik ko‘p Note’ni qo‘shib gapirishadiki, boshqalar ularning bu odatini o‘n yoshli bolalar o‘yiniga o‘xshatadi.

Agar Galaxy Note gadjetining shaydosi bo‘lsangiz, u holda siz ham bu videorolikni ko‘rgach, so‘zlaringizga Note’ni qo‘shib gapira boshlashingiz mumkin :)