O‘zbekistonlik FIFA referisi Ravshan Ermatov boshchiligidagi hakamlar brigadasi OChL yarim final javob uchrashuvi doirasidagi “Al Ayn” — “Al-Hilol” o‘yinini boshqaradi, deb xabar bermoqda Stadion.uz.
Mazkur uchrashuv 30-sentabr kuni “Al Ayn” klubi maydonida o‘tkaziladi. Ushbu jamoalar o‘rtasidagi ilk uchrashuv Ar-Riyod shahrida o‘tkazilgan va unda “Al Hilol” 3:0 hisobida yirik g‘alabaga erishgan edi.
“Al Ayn” — “Al Hilol” uchrashuvida Ermatovga qanotlarda Abduhamidillo Rasulov (O‘zbekiston) va Bahodir Qo‘chqorovlar (Qirg‘iziston) yordam beradi. O‘zbekistonlik yana bir FIFA referisi Ilgiz Tantashev ushbu uchrashuvda zaxira hakami vazifasini bajaradi.
Osiyo Chempionlar Ligasi. Yarim final, javob o‘yini:
- “Al Ayn” (BAA) — “Al Hilol” (Saudiya Arabistoni)
- Referi: Ravshan Ermatov (O‘zbekiston)
- Referi assistentlari: Abduhamidillo Rasulov (O‘zbekiston), Bahodir Qo‘chqorov (Qirg‘iziston).
- Zaxira hakami: Ilgiz Tantashev (O‘zbekiston).
- Nazoratchi: Yazbek Yazbek (Livan)
- Komissar: Ahmad Shahir (Maldiv)
- Dastlabki uchrashuv: “Al Hilol” — “Al Ayn”: 3:0
Izoh (0)