Aqlli soat uchun “axmoqona” klaviatura dasturi ishlab chiqildi

Aqlli soatda yozish kerak deb hisoblaydiganlar uchun klaviatura dasturi o‘ylab topildi. Bu haqda Gizmodo xabar berdi.

Dastur Minuum deb nomlanadi va uning klaviaturasi aqlli soatning pastki qismida ko‘rinadi. Har bir tugmachasida uchta harf mavjud hamda ular odatiy klaviaturaning uch qatoridek ketma-ketlikda joylashtirilgan.

Dastur yozilayotgan so‘zlarni taxmin qila oladi va u hozir beta versiyada sinovdan o‘tkazilmoqda. Eslatib o‘tamiz, shu paytgacha aqlli soatlar uchun qulay klaviatura dasturi hali ishlab chiqarilmagan.

Aqlli soat xabarlarni ko‘rsatuvchi (output) qurilma, undan xabarlarni kiritish (input) qurilmasi sifatida foydalanish axmoqlik, deydi xabar muallifi.