Obama Normandiyadagi tantanalar vaqtida Putin bilan uchrashdi
AQSh prezidenti Barak Obama Normandiyaga ittifoqchi qo‘shinlarning tushirilishi 70 yilligi bilan bog‘liq bayram tantanalari doirasida Rossiya prezidenti Vladimir Putin bilan norasmiy uchrashuv o‘tkazdi. Bu haqda AQSh ma’muriyatidagi manbaga asoslanib, Reuters axborot agentligi xabar bermoqda.
Qayd etishlaricha, AQSh va Rossiya davlat rahbarlarining uchrashuvi 10—15 daqiqa davom etgan. Uchrashuv davomida qanday masalalar muhokama qilinganiga aniqlik kiritilmagan, deb yozadi “Kun”.
Avvalroq, Vladimir Putin Ukrainaning yangi saylangan prezidenti Pyotr Poroshenko bilan qisqacha muloqotda bo‘lgani haqida xabar berilgan edi.
Iyun oyi boshida esa Vladimir Putinning yordamchisi Yuriy Ushakov Normandiya tashrifi dasturidan AQSh prezidenti Barak Obama bilan uchrashuv o‘rin olmagani haqida axborot bergan edi.
