Garvard kutubxonasida muqovasi odam terisidan tayyorlangan kitob topildi. Bu haqda The New York Times xabar bermoqda.
Xabar berishlaricha, inson terisidan tayyorlangan muqova XIX asrga oid, “Des destinées de l’ame” (“Qalb taqdiri”) nomli fransuzcha kitobdan topilgan.
“Kun”ning ma’lum qilishicha, muqova tarkibi borasidagi dastlabki xulosalarning to‘g‘riligini kutubxonadagi mass-spektrometriya laboratoriyasidagi ekspertiza tekshiruvlari ham tasdiqlagan.
Qayd etishlaricha, bunday muqovali kitoblar eng ko‘p XVI asrda chop etilgan bo‘lib, XIX asr uchun bunday kitob kamyob hodisa hisoblanadi.
Kitobning keyingi taqdiri to‘g‘risida ma’lumot berilmagan.
Izoh (0)