AQShning Kaliforniya shtati Fresno shahrida yashovchi ayol ikki oydan oshiq vaqt davomida komada yotgan bo‘lishiga qaramay, farzandini eson-omon dunyoga keltirdi. Bu haqda Medportal.ru xabar berdi.
39 yoshli Melissa Karltonda homilador bo‘lganidan keyin bosh og‘riqlari boshlandi. Shifokorlar uning miyasida bezarar o‘sma borligini aniqlashdi. Homilasi 7 oylik bo‘lganida, o‘smani olib tashlash bo‘yicha amaliyotni boshidan kechirishiga to‘g‘ri keldi. Shundan keyin u komaga tushib qoldi.
Shifokorlar Melissaning homilasini to‘liq muddatgacha saqlab qolishga muvaffaq bo‘lishdi. 22-may kuni esa kesarcha kesish yo‘li bilan uning o‘g‘li dunyoga keldi.
Shifokorlarning aytishicha, tug‘ishdan so‘ng, Melissa avvalgidan ko‘ra ko‘proq faollik ko‘rsatmoqda, bu uning ahvoli yaxshilanishiga umid bermoqda.
Izoh (0)