General Motors Uzbekistan kompaniyasining rasmiy sayti — chevrolet.uz ishlamay qoldi. Bunga sabab — xosting xizmatlari uchun pul to‘lanmaganligida, deb javob berdi Arsenal-D kompaniyasi texnik xizmati xodimi.
21-may 17:05 holatiga ko‘ra chevrolet.uz saytining bosh sahifasida quyidagi yozuv bor:
Sayt xosting taqdim qilish muddati tugagani yoki disk hajmining oshib ketganligi sababli bloklandi. Iltimos, quyida ko‘rsatilgan kontakt bilan xosting provayderiga murojaat qiling.Ta’kidlash joiz, chevrolet.uz domeni GM Uzbekistan qo‘shma korxonasiga emas, balki noma’lum jismoniy shaxsga tegishlidir. Bu haqda Uz domeni ma’muriyati rasmiy sayti — cctld.uz'da ma’lumot berilgan.
Google qidiruv tizimi natijalarida chevrolet.uz GM Uzbekistan YoAJ rasmiy sayti sifatida keltirilgan.
GM Uzbekistan'ga tegishli 141-77-77 telefon raqamida ma’lumot berishlaricha, chevrolet.uz chindan ham GM Uzbekistan kompaniyasi rasmiy saytidir.
Izoh (0)