2014-yil 14-maydagi “O‘zbekiston Respublikasining ayrim qonun hujjatlariga o‘zgartish va qo‘shimchalar kiritish, shuningdek ayrim qonun hujjatlarini o‘z kuchini yo‘qotgan deb topish to‘g‘risida”gi qonun bilan Xo‘jalik protsessual kodeksiga qo‘shimcha va o‘zgartishlar kiritildi. Bu haqda Norma.uz xabar berdi.
Ularga ko‘ra, 2014-yil 1-sentabridan boshlab xo‘jalik sudining majlisi videokonferensaloqa rejimida o‘tkazilishi mumkin. Shu bilan birga, ishni yopiq majlisda videokonferensaloqa rejimida ko‘rishga yo‘l qo‘yilmaydi.
Sud majlisining videokonferensaloqa rejimida o‘tkazish bilan bog‘liq xarajatlarning summasi xo‘jalik sudi tomonidan belgilanadi va ishda ishtirok etuvchi shaxslardan ishni ko‘rib chiqish natijalari bo‘yicha ushbu Kodeksning 95-moddasiga muvofiq undiriladi.
Endi xo‘jalik sudi tayinlagan ekspertizani o‘tkazish, guvohni chaqirish, dalillarni o‘z joyida ko‘zdan kechirish uchun to‘lanishi kerak bo‘lgan summaga sud majlisini videokonferensaloqa rejimida o‘tkazish bilan bog‘liq xarajatlar ham qo‘shiladi.
Qonunda boshqa o‘zgartish va qo‘shimchalar ham nazarda tutilgan.
Izoh (0)