Beeline aloqa operatori manzili o‘zgartirilgan zararli link bo‘lgan yangi SMS-spamning tarqatilayotgani haqida ogohlantirmoqda. Bugun, 20-may kuni abonentlar “Privet! Tebe foto: https://strofan.ru/.............../” ko‘rinishidagi SMS-xabarni qabul qilmoqda, deb ma’lum qiladi kompaniya matbuot xizmati.
Spam-hujum o‘tgan haftadagi kabi, abonentning uyali moslamasiga zararli dasturni o‘rnatish va xavfli linkni uning kontakt ro‘yxatidagi barcha raqamlarga jo‘natishga mo‘ljallangan. Buning natijasida abonentlar shaxsiy ma’lumotlarini, pul mablag‘larini yo‘qotishlari, uyali moslamalariga zararli dasturni yuklab olishlari mumkin.
“Yana bir bor eslatib o‘tamiz, shunday SMS olingan vaziyatda, uni zudlik bilan o‘chirib tashlash, zinhor berilgan havolaga o‘tmaslik zarur, – deydi Beeline’ning axborot texnologiyalari bo‘yicha direktori Yevgeniy Kogay. – Bizning mutaxassislar zararli saytlarni yopib qo‘ydi. Shu bois endi Beeline’ning mobil internetidan foydalanuvchilar uchun xavf yo‘q. Lekin Wi-Fi tarmoqlari orqali zarar ko‘rish ehtimoli bor, shuning uchun ehtiyotkor bo‘lish zarur”.
Eslatib o‘tamiz, spam-tarqatilishi jarayonida qo‘llanilayotgan zararli dastur avvalombor Android operatsion tizimida ishlaydigan moslamalar uchun xavfli.
Izoh (0)