Kolumbiya shimolida avtobus yonib ketishi natijasida halok bo‘lgan bolalar soni 31 taga yetdi. Bu haqda Gazeta.ru xabar berdi.
Ta’kidlanishicha, yana 25 kishi jarohat olgan.
Avtobus Fundasyon shahrida o‘tkazilgan cherkov tadbiridan so‘ng bir guruh bolalarni Boskoniya shahriga olib ketayotgan bo‘lgan.
Fundasyon meri Stella Dyuran transport vositasida 40 dan 50 gacha bolalar bo‘lgani, ularga faqat haydovchi hamrohlik qilganini aytgan.
Avtobus nima sababdan yonib ketgani haqida xabar berilganicha yo‘q.