Yaponiyaning Kioto universiteti mutaxassislari dunyoda birinchi o‘pkani ko‘chirib o‘tkazish bo‘yicha operatsiyani amalga oshirishdi. Uning o‘ziga xosligi shundaki, ayolning chap o‘pkasi bir bo‘lagi o‘rniga uning turmush o‘rtog‘i o‘zining o‘ng o‘pkasi bir qismini berdi. Bu haqda “ITAR-TASS” xabar berdi.
Operatsiyaga tayyorgarlik ko‘p vaqtni oldi. Shifokorlar 3D-printer yordamida donor va qabul qiluvchiga tegishli ichki organlarning yirik modellarini yaratishdi. Unda mutaxassislar amaliyotga kirishishdan avval ko‘p bora mashq o‘tkazishdi.
Ayni paytda er-xotinlar sog‘lig‘i yaxshilanmoqda. Ular shifoxonadan chiqarilgan. Operatsiyadan so‘ng hech qanday asoratlar qayd qilinmagan.
Mutaxassislarning ishonch bildirishicha, qarama-qarshi o‘pka qismi transplantatsiyasining muvaffaqiyatli kechgani minglab xastalarga umid beradi. Bundan avval mos donorlik o‘pkasini topish mumkin bo‘lmagani sababli ko‘plab bemorlarga ushbu organni ko‘chirib o‘tkazish bo‘yicha operatsiyaga rozilik berishmagan.
Izoh (0)