AQShning Aerofex kompaniyasi 2017-yildan “xoverbayk” (hoverbike)larni tijorat uchun ishlab chiqarishni boshlaydi. Svetoforlarga ham, tirbandlikka ham bo‘ysunmaydigan ushbu havo harakati vositasi uchun 85 ming dollar miqdorida to‘lovni amalga oshirish lozim bo‘ladi. Bu haqda gazeta.ru xabar berdi.
“Uchar mototsikl” deya ta’riflanayotgan Aero-X xoverbayki asosini ikkita kanalli (tunnelli) ventilyator tashkil etib, ular ko‘tarish kuchini yuzaga keltiradi. Ishlab chiquvchilarning aytishicha, uni boshqarish mototsikldan qiyin bo‘lmaydi.
Xoverbayk yerning nisbatan tekis yuzasida bir yoki ikki kishi harakatlanishi uchun mo‘ljallangan. U 3,7 metr balandlikda soatiga 72 km tezlikda “parvoz qiladi”.
Aero-X’ni rulni qiya qilish orqali boshqarish mumkin bo‘ladi. U 140 kg yukni ko‘tarishga hamda bak to‘la benzin bilan havoda 1 soat-u 14 daqiqa uchishga qodir.
Izoh (0)