Google Glass “aqlli” ko‘zoynagi AQShda yana erkin sotuvga chiqarildi. Gadjetning narxi 1,5 ming dollarni tashkil etadi, deb yozadi gazeta.ru.
Google korporatsiyasidagilarning aytishicha, qurilmani sotuvga chiqarilgan mahsulot tugaguniga qadar xarid qilish mumkin. Shu yo‘l bilan kompaniya ko‘zoynakni yanada keng iste’molga chiqargunicha, foydalanuvchilar fikrini o‘rganmoqchi.
Bu safar gadjet qancha vaqt davomida savdoda bo‘lishi noma’lum. The Wall Street Journal aniqlik kiritishicha, bu qurilmaning yakuniy versiyasi emas, balki Explorers loyihasi doirasidagi “beta-sinov uchun dastlabki varianti”dir.
Nashrning eslatishicha, 15-apreldagi bir kunlik sotuv muvaffaqiyatli kechgan va oq rangdagi Cotton modeli bir necha soatlar ichida sotib bo‘lingan.
Izoh (0)