Fransiya g‘arbidagi ta’lim muassasi rahbariyati erkaklar va ayollar o‘rtasidagi tenglik uchun kurash doirasida 16-may kuni barcha o‘g‘il bola o‘quvchilarni yubkada o‘qishga kelishga chaqirdi. Bu haqda The Local nashri xabar bermoqda.
“Yubkangni ko‘tar” aksiyasi doirasida 27 litseyning o‘g‘il bola o‘quvchilari va erkak o‘qituvchilariga yubkalarda o‘qishga kelish qat’iy talab qilindi. Bunday tashabbus ayollarni kamsitishga qaror qilgan o‘quvchilarning o‘zidan chiqqan.
Aksiya Nant, Shatobrian, Le Man, Anje, Laval kabi shaharlarni qamrab oladi. Yubka kiyishni xohlamaganlarga esa aksiya doirasida chiqarilgan stikerlarni taqib olish tavsiya qilingan, deb yozadi “Kun”.
Nant akademiyasi orqali berilgan ushbu taklif Fransiya ta’lim vazirligi tomonidan ma’qullangan, biroq mahalliy aholi, konservativ kayfiyatdagi siyosatchilar va talabalarning ittifoqlari tomonidan keskin kutib olingan.
Bundan tashqari, fransiyalik jamoat arbobi va bir jinsli nikohlarga qarshi kurashuvchi Frigid Barjo Twitter’dagi sahifasida: “Balki Fransiya ta’lim vaziri Benua Xamon o‘quvchi qizlarning maktabga soqol qo‘yib kelishlarini ham tavsiya qilar?”, – qabilida xabar qoldirib, Eurovision—2014’da g‘olib chiqqan “soqolli ayol”ga ishora qilgan.
Izoh (0)