BMT Kramatorskdagi to‘qnashuvlarda o‘z vertolyotlari ishlatilgani haqidagi ma’lumotni tekshirib ko‘radi

Ukraina mudofaa vazirligi seshanba kuni Kramatorsk yaqinida o‘tkazilgan harbiy operatsiyalar aks ettirilgan o‘z videoyozuvlarini tarqatdi. Bu haqda Euronews xabar berdi.

Hukumat avvalroq yetti nafar harbiy xodimini rossiyaparast aktivistlar bilan to‘qnashuvda yo‘qotgani haqida xabar bergan edi. Biroq videolavhada bu haqda hech narsa aytilmagan. Ukraina harbiy idorasi esa xalq askarlaridan kamida bir kishi halok bo‘lib, yana to‘rt kishi yaralanganini ma’lum qilgan.

To‘qnashuv haqida gapirar ekan, ayirmachilar Ukraina harbiy tuzilmalari kolonnasi yo‘lini to‘sib, BTR va o‘q-dorilar ortilgan mashinani yo‘q qilganini aytishgan.

Kiyevning xabar qilishicha, zirhli texnikalarga granata otadigan va o‘q qurollari bilan hujum qilingan.

Keyinroq tashqi ishlar vazirligi vaziyatga aralashib, Kramatorsk yaqinida Ukraina armiyasi BMT belgisi tushirilgan vertolyotlardan foydalangani uchun norozilik bildirdi. Kiyev esa bu ma’lumotni rad etdi.

BMTdagilar ushbu ma’lumotni tekshirishini aytib, tashkilot belgisi bo‘lgan texnikadan faqat uning ruxsati bilan foydalanish mumkinligini ta’kidladi.