13-may kuni Isroilning sobiq bosh vaziri Exud Olmert poraxo‘rlik uchun olti yillik qamoq jazosiga hukm qilindi. Bu haqda Reuters xabar berdi.
Ma’lum bo‘lishicha, u Quddus (Iyerusalim) meri lavozimini egallab turgan paytida Holyland turar-joy majmuasi quruvchilaridan 144 ming dollar, yana boshqa ish bo‘yicha esa 17 ming dollar pora olgan.
68 yoshli Olmert shuningdek, bir million shekel (290 ming dollar) miqdorida jarimaga tortildi. Advokatlar Tel-Aviv sudi qarori ustidan Oliy sudga shikoyat qilmoqchi.
Isroil tarixida eng katta korrupsiya mojarolaridan biriga aylangan Holyland ishi bo‘yicha ayblov Olmertga 2012-yil yanvarida qo‘yilgan edi. Bu ish bo‘yicha yana to‘qqiz kishi aybdor deb topilgan, uch kishi oqlangan.
Izoh (0)