Buxoroda badminton bo‘yicha yoshlar o‘rtasida o‘tkazilgan O‘zbekiston chempionati yakunlandi, deb xabar beradi O‘zA.
O‘zbekiston Respublikasi Madaniyat va sport ishlari vazirligi, Badminton federatsiyasi tomonidan tashkil etilgan musobaqada Andijon, Buxoro, Jizzax, Navoiy, Namangan, Sirdaryo, Qashqadaryo, Xorazm viloyatlari va Toshkent shahridan tashrif buyurgan 120 nafar yigit-qiz kuch sinashdi.
Umumjamoa hisobida buxoroliklar birinchi o‘rinni egalladi. Andijon viloyati ikkinchi, Toshkent shahri vakillari esa uchinchi bo‘ldi.
Turli yosh toifasidagi yakkalik bahslarida buxorolik Mirjon Rahimov, Amrulla Baxshullayev, Abdurasul Xo‘jayev, qizlar o‘rtasida poytaxt vakilasi Viktoriya Rudakova, Andijon viloyati sharafini himoya qilgan Dilrabo Ahmedova va Mohinur G‘ofurova g‘oliblikni qo‘lga kiritdi.
Juftliklar bahsida Amrulla Baxshullayev va Farrux Jo‘rayev, qizlar juftligida Valeriya Mushtakova va Xursandoy Komilova, aralash juftliklarda esa Husniddin Orzuboyev va Farangiz Sultonova oltin medalga sazovor bo‘ldi.
Izoh (0)