O‘zbekistonda shahar va aholi punktlarini ko‘kalamzorlashtirish uchun 20 mingdan oshiq lola daraxti ko‘chatlari tayyorlanmoqda. Bu haqda Uzbekistan Today xabar berdi.
2010-yilda bu daraxtdan mamlakat aholi punktlarini ko‘kalamzorlashtirishda keng foydalanish haqidagi qaror bilan Fanlar Akademiyasi O‘simlik va hayvonot dunyosi genofondi instituti hamda Qishloq va suv xo‘jaligi vazirligi o‘rmon xo‘jaligi boshqarmasi ko‘chatlarni tayyorlash bilan shug‘ullanmoqda.
O‘simlik va hayvonot dunyosi genofondi instituti direktori Boboqul To‘xtayevning aytishicha, 2010-yilda institut xodimlari Toshkentda o‘sadigan lola daraxtlarining alohida turlarini aniqlashgan. 2011—2012-yillarda ularning urug‘larini to‘plab, ekishgan. Shu vaqt ichida 20 mingdan oshiq ko‘chat tayyorlangan.
Asli Amerikadan keltirilgan ushbu daraxt o‘zining lolani eslatuvchi gullari bilan bunday nomga ega bo‘lgan. U nafaqat chiroyli gullari, balki tez o‘sishi va katta shox-shabbasi bilan ham mashhurdir.
Izoh (0)