2010-yilda Madaniyat va sport ishlari bo‘yicha vazirlik bilan kelishuv doirasida Dordon (Fransiya) departamenti Bosh kengashi Shahrisabz shahridagi Oqsaroy obyektida madaniy merosni qayta tiklash va saqlash sohasida tajriba almashish bo‘yicha dasturni amalga oshirishga kirishgan edi.
Anons.uz xabar berishicha, arxeolog Selin Ollanye rahbarligida Fransiyaning Socra kompaniyasi maydonning 200 m² hududidagi Temuriylar davriga tegishli mozaikadan iborat toshtaxtani restavratsiya qildi. Ayni paytda ushbu toshtaxta maxsus konstruksiya bilan himoya qilingan.
YuNESKOning Toshkent shahridagi vakolatxonasi hamkorligida amalga oshirilgan loyiha Dordon departamenti Bosh kengashi va Fransiyaning O‘zbekistondagi elchixonasi tomonidan moliyalashtirildi.
Izoh (0)