Toshkent vaqti bilan taxminan 13:00 da Xarkov shahri meri Gennadiy Kernesga suiqasd uyushtirildi. Bu haqda Gazeta.ru xabar berdi.
Xarkov shahar rahbari beliga o‘q tegishi natijasida qattiq jarohat oldi. Ayni paytda u shoshilinch jarrohlik bo‘limida operatsiya qilinmoqda. Shifokorlar uning hayotini saqlab qolish uchun kurashmoqda, deyiladi xabarda.
2010-yil 31-oktabrida Kernes saylovchilarning 30% ovozi bilan shahar merligiga saylangan. Ukrainadagi tanglik chog‘ida u Kiyevdagi noroziliklar hukumatning noqonuniy ravishda egallab olinishiga olib kelishini ta’kidlagan edi.
24-aprel kuni Xarkov viloyat kengashi deputatlari Ukraina Oliy radasiga murojaat qilib, hukumatni desentralizatsiya qilish va mahalliy o‘z-o‘zini boshqarish organlari rolini kuchaytirish taklifini kiritgan edi.
Izoh (0)