“Atletiko”—“Chelsi” uchrashuvida durang natija qayd etildi

Chempionlar ligasi yarim finali birinchi uchrashuvida “Atletiko” hamda “Chelsi” o‘rtasida kechgan bahsda kuchlar teng keldi, deb xabar berdi Uff.uz.

Xabarda ta’kidlanishicha, bahsda ko‘ngilsiz holatlar kuzatildi. O‘yinning 16-daqiqasida burchak to‘pidan so‘ng yuzaga kelgan xavfni bartaraf etayotib Raul Garsiya bilan to‘qnashib ketgan darvozabon Petr Chex jarohat oldi. Chex o‘yinni davom ettira olmasligi ma’lum bo‘lgach, uning o‘rniga Mark Shvarser tushirildi. Ta’kidlash joiz, Mark Shvarser o‘ziga bildirilgan majburiy ishonchni oqlashga muvaffaq bo‘ldi.

Garchi so‘nggi daqiqagacha jamoalar gol urishga intilgan bo‘lsa-da, birlamchi vazifa sifatida o‘z darvozasi daxlsizligini o‘yladi va oqibatda hisob ochilmadi va o‘yin 0:0 hisobida yakunlandi.