Shimoliy Koreya televideniyesi Kim Chen Inning bolaligi aks etgan, avval hech qayerda ko‘rsatilmagan fotosuratlarini namoyish etdi, deya xabar bermoqda USA Today ma’lumotiga tayanib “Kun”. Suratlar televideniye orqali KXDR harbiy-havo kuchlariga bag‘ishlangan konsert dasturi translyatsiya qilinayotganida ko‘rsatib o‘tilgan.
Fotosuratlarda yosh Kim harbiy libosda, shuningdek, samolyot shturvalida aks etgan. Ushbu suratlardagi Kim Chen Inning yoshi nechada ekanligi noma’lum. Shuningdek, suratlar aynan qayerda olingani va ularni HHK vakillari uchun tadbir tashkilotchilariga kim taqdim etgani haqida ham ma’lumotlar yo‘q.
Razvedka ma’lumotlariga ko‘ra, Kim Chen In boshlang‘ich ta’limni Shveysariyada olgan – u yerda uning haqiqiy shaxsi sir tutilgan. Hujjatlarda u Pak In nomi bilan qayd etilgan bo‘lib, asosan basketbolga qiziqqan va siyosat bilan umuman ishi bo‘lmagan.
Keyinroq esa Kim Chen Inning farzandi Kim Ir Sen nomli universitetda alohida dastur bo‘yicha ta’lim olgan.
Izoh (0)