Bugun, 22-aprel kuni Opera Software o‘zbekistonliklar uchun Opera Max dasturini yuklab olish imkoni yaratilgani haqida e’lon qildi, deb yozadi Anons.uz.
Opera Max — bu bepul mobil dastur bo‘lib, telefonga internet orqali yuklanadigan video, matn va tasvirlar uchun sarflanadigan internet-trafikni kamaytirib beradi. Bu holatda nafaqat brauzer orqali olingan ma’lumotlar, balki abonentda mavjud bo‘lgan barcha dasturlarga keladigan axborot uchun sarflanadigan trafik qisqartiriladi.
Kompaniya press-relizida qayd etilishicha, ushbu dastur foydalanuvchiga katta hajmli grafik yoki videokontentli dasturlardan foydalanganda 50 foizgacha internet-trafikni tejashda yordam beradi.
Opera Max dasturini Google play internet do‘konidan yuklab olish mumkin.
Izoh (0)