WordPress.com va WordPress VIP blog-platformalarini boshqaruvchi Automattic kompaniyasi moliyalashtirishning navbatdagi bosqichini o‘tkazib, 100 milliondan 150 million dollargacha bo‘lgan sarmoyani jalb etishni rejalashtirmoqda. Ushbu xabarni vaziyat bilan yaxshi tanish bo‘lgan turli manbalar tasdiqlagan. Kompaniyaning o‘zi esa ushbu mavzuga hech qanday oydinlik kiritmagan, deb xabar berdi “Sukerberg pozvonit” sayti.
O‘tkazilgan tadbrilar natijasiga ko‘ra, kompaniyaning bahosi 1 milliard dollardan oshib ketishi kutilmoqda. Moliyalashtirishning avvalgi raundida Tiger Global Management va Iconiq Automattic kompaniyasiga 75 million dollar hajmida sarmoya kiritgan va kompaniya avvalgi sarmoyador Polaris Partners'ning aksiyalarini sotib olishga muvofiq bo‘lgan edi. Tiger bundan bir necha oy avval ham kompaniyaga boshqa bir kelishuv doirasida 50 million dollar miqdorida pul ajratgan.
Ayni vaqtda WordPress platformasida jahondagi saytlarning 22 foizi ishlab turibdi (bu ko‘rsatkich o‘tgan yilning iyun oyida 19 foizni tashkil etgan). Mazkur platformada dunyoda taniqli bo‘lgan ko‘plab kompaniyalar, jumladan, domen nomlarning mashxur registratori GoDaddy'dan ro‘yxatdan o‘tgan resurslarining deyarli yarmi va TechCrunch texnoblogi faoliyat yuritadi.
Automattic WordPressdan tashqari Akismet, Poldaddy, Gravatar singari turli plaginlar faoliyatini ham amalga tadbiq etgan. Bundan tashqari, kompaniya o‘tgan haftada internetdan uzun formatga ega bo‘lgan matnlarni izlab topishni osonlashtiradigan Longreads servisini ham sotib oldi.
Jalb etilgan sarmoya Automattic kompaniyasiga raqobatchi jamoalar bilan munosib kurashish imkonini beradi. Raqobatchi sifatida e’tirof etilayotgan veb saytlarni qulay va tez yaratish imkonini beradigan Squarespace servisi General Atlantic kompaniyasidan 40 million dollarlik sarmoyani qo‘lga kiritishga erishganini ma’lum qilmoqda (kompaniya bugungi kunga qadar umumiy hajmda 78,5 million dollar sarmoyani jalb etishga ulgurgan).
Yana bir raqobatchi sanalgan Medium blog-paltformasiga yanvar oyida Greylock Partners kompaniyasidan David Sze va Josh Elmanlar tarafidan 25 million dollarlik sarmoya kiritilgan.
Izoh (0)