Chirchiqdagi velomarafonda 200 nafar havaskor qatnashdi (foto)

Chirchiqda Toshkent viloyati kasaba uyushmalari tashkilotlari birlashmasi kengashi tomonidan “Sog‘lom bola yili” Davlat dasturi ijrosi doirasida “Kasaba – tur” velomarafoni o‘tkazildi, deb xabar bermoqda O‘zA.

Tadbirda viloyatdagi korxona, tashkilot va muassasalarda mehnat qilayotgan 200 nafardan ziyod havaskor velosportchi ishtirok etdi.

25—35, 35—45 yoshlilar o‘rtasida o‘tkazilgan velomarafonning erkaklar bahsida A. Sarqulov va Y. Kirshin marraga birinchi keldi. Shu yosh toifalari bo‘yicha ayollar bellashuvida D. Allayorova hamda O. Abdurahmonovaga yetadigani topilmadi.

Musobaqa g‘olib va sovrindorlari tashkilotchilar tomonidan munosib rag‘batlantirildi. Ular endi velomarafonning respublika bosqichida qatnashadi.