AQShning sobiq davlat kotibi Xillari Klintonga oyoq kiyimini otgan ayol ikki yillik qamoq jazosiga hukm qilinishi mumkin. Bu haqda KTLA telekanali ma’lumotiga tayanib, “ITAR-TASS” xabar berdi.
10-aprel kuni 36 yoshli Elison Mishel Ernst Nevada shtatining Las-Vegas shahridagi Mandalay Bay mehmonxonasida ma’ruza o‘qiyotgan Xillari Klintonga o‘z oyoq kiyimini irg‘itgan edi. Klinton xonimga biron ziyon yetmadi, o‘zi ham buni hazil bilan qabul qildi.
Ernstga nisbatan inson erkinliklari chegarasini buzish va zo‘ravonlik harakatlarini amalga oshirish ayblovlari e’lon qilindi. Ayol 24-iyun — uning ishi Las-Vegas sudida birinchi marta ko‘rib chiqilgunicha qamab qo‘yiladi. Qo‘yilgan ayblovlar bo‘yicha, Ernst ikki yilga ozodlikdan mahrum bo‘lishi mumkin.
Izoh (0)