Ukraina Oliy radasi Qrim va Sevastopolni “bosib olingan hudud” deb e’lon qilgan qonunni qabul qildi. Bu haqda “ITAR-TASS” xabar berdi.
Qonun loyihasini 228 deputat yoqlab ovoz berdi (eng kamida 226 ovoz talab etiladi). Unga ko‘ra, “Ukraina ichki suvlari va hududiy dengizi, hududiy dengiz doirasidagi suv osti maydoni va havo bo‘shlig‘i ham” shunday hudud deb e’tirof etiladi.
Qonunda “Ukraina pasportiga ega bo‘lgan va Qrimda ro‘yxatdan o‘tmagan fuqarolar Qrim bilan chegarani erkin kesib o‘tishlari mumkin”ligi qayd etilgan. Shuningdek, Kiyev “RF fuqaroligiga o‘tish”ni tan olmaydi.
Qonunga ko‘ra, Qrimda iqtisodiy faoliyat bo‘yicha masalalar alohida qonunchilik hujjati bilan tartibga solinadi, u, parlamentdagilarning aytishicha, keyinroq qabul qilinadi.
Izoh (0)