Kiyev Shveysariya prezidenti Didbe Burkxalterni Daniya bayrog‘i bilan kutib oldi. Ukraina protokol xizmatidagilar Shveysariya bayrog‘ini Daniyaniki bilan chalkashtirib yuborishdi. Bu haqda Vesti.ru xabar berdi.
Burkxalter Ukrainaga Yevropada xavfsizlik va hamkorlik tashkilotining nazorat missiyasi raisi sifatida tashrif buyurdi. Shveysariya prezidenti Oliy rada tomonidan tayinlangan bosh vazir Arseniy Yatsenyuk bilan uchrashdi, biroq ular hali qo‘l berishib ulgurmay, Burkxalter bosh vazirga yo‘l qo‘yilgan xatoni ko‘rsatdi.
U ukrain hukumatining diplomatik xatosiga hazilona munosabat bildirdi.Ta’kidlash joiz, ikkala mamlakat bayroqlari bir-biriga juda o‘xshash: qizil fonda oq xoch aks etgan. Biroq Shveysariya bayrog‘idagi xoch markazda joylashgan, uning uchlari bayroq chetiga yetib bormaydi. Daniya xochidagi vertikal chiziq esa bayroqni uchdan ikki qismga bo‘ladi, uchlari esa bayroqni to‘liq kesib o‘tadi.
Izoh (0)