Shimoliy Koreya yetakchisi Kim Chen Inning mansabdorlarni qatl qilish jarayonida shaxsan ishtirok etayotgani haqidagi xabarlar Janubiy Koreya OAV vakillarining uydirmalaridan boshqa narsa emas, deb hisoblaydi Rossiya Fanlar akademiyasining Uzoq Sharq Instituti yetakchi ilmiy xodimi Konstantin Asmolov. Bu haqda “RIA Novosti” xabar berdi.
Avvalroq, dunyo OAV vakillari Janubiy Koreyaning “Choson Ilbo” nashri tarqatgan ma’lumotga asoslanib, Kim Chen In mamlakat jamoat xavfsizligi vaziri o‘rinbosari O Son Xonni o‘tsochar qurol – ognemyot orqali yondirib yuborganini xabar qilgan edi. Bunday shafqatsiz jazoning qo‘llanilish sababi — o‘z lavozimini suiiste’mol qilgani va sobiq Davlat mudofaa qo‘mitasi raisi Chan Son Txekka yordam bergani deb ko‘rsatilgan.
“‘Choson Ilbo’da keltirilgan xabarda faqatgina, “manbalarning ma’lumotiga ko‘ra” deb yozilgan. Biroq aynan qaysi manbada keltirilgani aytilmagan. Shunga muvofiq, rus jurnalistlari ingliz tilini yetarli darajada bilmagani uchun mazkur jumlani Kim Chen In “shaxsan yoqib yubordi”, deb tarjima qilgan”, — deydi mutaxassis.
Izoh (0)