Namangan viloyatida biometrik pasport olish bo‘yicha aholiga qulaylik yaratish maqsadida fuqarolarni qabul qilish vaqti uzaytirildi. Bo‘linmaga bank xodimi jalb qilinib, to‘lov terminallari o‘rnatildi. Pasport olish uchun belgilangan to‘lovlarni shu yerning o‘zida amalga oshirish yo‘lga qo‘yildi. Bu haqda O‘zA xabar berdi.
Viloyatning Namangan tumani ichki ishlar bo‘limi pasport bo‘linmasi boshlig‘i, kapitan Sohibjon Bobojonovning so‘zlariga ko‘ra, haftaning har yakshanba kuni muassasa direktori va sinf rahbarlari ishtirokida kollej va maktab o‘quvchilariga biometrik pasport berilmoqda.
Amaliyotning sifat va samaradorligini ta’minlash maqsadida tuman IIB pasport bo‘linmasi binosi qayta ta’mirlanib, fuqarolarga qulay sharoitlar yaratildi. Keng, yorug‘ xonalar zamonaviy tarzda jihozlandi. Kutish zalida pasport-viza tartibini buzishning oqibatlari haqidagi videoroliklarni muntazam ravishda namoyish etish yo‘lga qo‘yilgan bo‘lib, ushbu tadbir o‘ziga xos huquqiy targ‘ibot vazifasini o‘tamoqda.
Izoh (0)