Qozog‘istonda konning o‘pirilishi natijasida turar joy kvartalidagi uy qulab tushdi. Hodisa Sharqiy Qozog‘iston viloyatidagi Ridder shahrida sodir bo‘ldi. Bu haqda Tengrinews xabar berdi.
Qozog‘iston Favqulodda vaziyatlar departamentining ma’lum qilishicha, yaqin oradagi uylarda yashovchilar xavfsizligi uchun zarur choralar ko‘rilgan: aholi mahalliy maktab bazasidagi evakuatsiya punktiga yo‘naltirilgan. Ridder-Sokol konining o‘zidan esa 480 ishchi evakuatsiya qilingan, kon ishi to‘xtatilgan.
Kon qulashi natijasida hosil bo‘lgan voronka (chuqur)ning diametri 50 metrni tashkil qiladi. Guvohlarning aytishicha, u kengayishda davom etyapti.
Izoh (0)