O‘zbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish (SVOJJDLQK) departamentining Andijon viloyati boshqarmasi va shahar bo‘limi xodimlari tomonidan hamkorlikda o‘tkazilgan tezkor tadbirda “Eski shahar” Markaziy dehqon bozori OAJ hududida harakatlanayotgan “Neksiya” rusumli avtomashina to‘xtatilgan. Tekshiruv chog‘ida salondan Qirg‘iziston Respublikasi aksiz markalari bilan yelimlangan LD nomli 500 quti, Pall Mall nomli 500 quti, “Belomorkanal” nomli 54 quti, jami 1 054 quti hamda O‘zbekiston Respublikasi aksiz markalari bilan yelimlangan 17 turdagi 1 380 quti tamaki mahsulotlari topilib, ashyoviy dalil sifatida olingan. Bu haqda “Huquq” gazetasi xabar berdi.
S. Mamato‘xtayevning ko‘rsatmasiga asosan, xodimlar tomonidan mazkur xonadon ko‘zdan kechirilganda, tegishli hujjatlari bo‘lmagan Qirg‘iziston Respublikasi aksiz markalari bilan yelimlangan 1 150 quti LD, 370 quti Pine, 71 quti “Belomorkanal”, jami 1 591 quti, O‘zbekiston Respublikasi aksiz markalari bilan yelimlangan 33 turdagi 3 870 quti tamaki mahsulotlari hamda Pokiston Respublikasida ishlab chiqarilgan 3 250 quti “Avion” nomli gugurt mahsulotlari mavjudligi aniqlanib, ashyoviy dalil sifatida olingan.
Mazkur holat yuzasidan jinoyat ishi qo‘zg‘atilib, aybdorlarga nisbatan jazo muqarrarligi ta’minlandi.
Izoh (0)