Turkiya hukumati Twitter mikrobloglar tarmog‘iga qo‘yilgan blokirovkani olib tashladi. Bu xususda bosh vazir devonxonasi vakilining so‘zlariga tayanib Reuters xabar bermoqda.
Ma’lum qilinishicha, Turkiya Konstitutsion sudi saytga qo‘yilgan cheklovni noqonuniy, deb topdi va inson huquqlarini hamda so‘z erkinligini buzish sifatida e’tirof etdi. Mamlakat hukumati esa bir haftadan buyon bu qarorni e’tiborsiz qoldirib kelayotgan edi.
Xabaringiz bor, Turkiya bosh vaziri Rajab Tayyib Erdo‘g‘on Twitter mikroblogini mamlakatdan tag-tomiri bilan yo‘q qilishi haqida bayonot bergan. Ammo keyin mamlakat prezidenti Abdulla Gul ijtimoiy tarmoqlarning butkul taqiqlab qo‘yilishi nomaqbul ekanligini ma’lum qilgan. Anqara ma’muriy sudi Twitter mikrobloglar tarmog‘iga qo‘yilgan taqiqni olib tashlash to‘g‘risida qaror qabul qilgan.
Izoh (0)