O‘zbekiston Yozuvchilar uyushmasida “Ozod Vatan saodati” deb nomlangan besh jildlik Mustaqillik adabiyoti antologiyasi taqdimoti bo‘lib o‘tdi. Bu haqda O‘zA xabar berdi.
Yozuvchilar uyushmasining “Adib” nashriyoti “Istiqlol ilhomlari” ruknida “Ozod Vatan saodati” deb nomlangan besh jilddan iborat majmua nashrdan chiqdi.
Ushbu kitoblar she’riyat, nasr, dramaturgiya, badiiy publitsistika, adabiyotshunoslik kabi beshta janrdagi ijod namunalaridan iborat bo‘lib, ularda o‘zbek adiblarining istiqlol yillarida yozgan eng sara asarlari jamlangan. Bu to‘plamlardan zamonaviy o‘zbek adabiyotining yirik namoyandalari bilan birga navqiron avlod vakillari hamda mamlakatning turli hududlarida istiqomat qilayotgan qalam sohiblarining ijod namunalari o‘rin egallagan. Majmuaga kiritilgan 230 nafardan ortiq ijodkorning asarlari bilan tanishgan kitobxon bugungi o‘zbek adabiyotining manzarasini to‘liq tasavvur etishi shubhasiz, — deyiladi xabarda.
Izoh (0)