O‘zbekiston Respublikasi prokuratura organlari vakillaridan iborat delegatsiya Avstriya sud-huquq tizimi bilan tanishish maqsadida Vena shahriga tashrif buyurdi. Bu haqda UzReport xabar berdi.
Bu tashrif Yevropa Ittifoqining “O‘zbekistonda sud-huquq tizimini isloh qilishga ko‘maklashish” loyihasi doirasida tashkil etildi.
O‘zbekiston Respublikasi Tashqi ishlar vazirligi huzuridagi “Jahon” axborot agentligi ma’lumotlariga ko‘ra, safar chog‘ida delegatsiya a’zolari Vena jinoiy ishlar bo‘yicha sudi, Avstriya iqtisodiy jinoyatlar va korrupsiyaga qarshi kurashga ixtisoslashgan prokuraturasi, Jinoyat prokuraturasi hamda Ichki ishlar vazirligi vakillari bilan uchrashuvlar o‘tkazib, Avstriya sud organlari faoliyati bilan bog‘liq amaliy tadbirlarda ishtirok etdi.
Uchrashuvlar davomida jinoiy sud ishlarini yuritish yuzasidan o‘zaro fikr va tajriba almashildi. O‘zbekiston delegatsiyasi Avstriya tomoni e’tiboriga respublikada davlatimiz sud-huquq tizimini takomillashtirish hamda mamlakatda demokratik islohotlarni yanada chuqurlashtirish va fuqarolik jamiyatini rivojlantirish konsepsiyasining asosiy mazmuni haqidagi ma’lumotlarni taqdim etdi.
Izoh (0)