УЕФА Чемпионлар Лигасининг 1-туридан ўрин олган “Порту” ҳамда “Манчестер Сити” жамоалари ўртасидаги учрашув якунига етди. “Драгау” стадионида кечган баҳсда “шаҳарликлар” 2:0 ҳисобида ғалаба қозонди.
Ўйиндаги ҳисоб иккинчи бўлим бошида, аниқроғи 47-дақиқада меҳмонлар аъзоси Эрлинг Ҳоланд томонидан очилди. Учрашувнинг асосий вақтига қўшиб берилган 90+1-дақиқада эса Ҳоланд дубльни расмийлаштириб, якуний ҳисобни ўрнатди. Ушбу ғалаба эвазига Энсо Мареска шогирдлари ўз ҳисобига дастлабки 3 очкони ёздириб қўйди.
Эътиборли томони, ушбу баҳсда Ўзбекистон миллий терма жамоаси ҳимоячиси Абдуқодир Ҳусанов “Манчестер Сити” таркибида майдонга тушди. Футболчи иккинчи бўлимнинг 48-дақиқасида Йошко Гвардиол ўрнига захирадан ўйинга қўшилиб, учрашув охирига қадар ҳаракат қилди.
УЕФА Чемпионлар Лигаси, 1-тур
“Порту” — “Манчестер Сити” 0:2
Голлар: 0:1 — Ҳоланд (47), 0:2 — Ҳоланд (90+1)
