Испания терма жамоаси бош мураббийи Луис де ла Фуэнте 2026 йилги “Олтин тўп” соврини учун курашда “Барселона” вингери Ламин Ямал асосий фаворит эканини айтди.
Мураббий 19 ёшли футболчи Испания терма жамоасининг 2026 йилги Жаҳон чемпионатидаги энг муҳим ўйинчиларидан бири бўлганини таъкидлади.
“Кўпчилик Ламин Ямал Жаҳон чемпионатида ҳеч нарса кўрсатмади, деб айтиши мумкин. Аммо ўйинларни диққат билан кузатганлар унинг жамоамиздаги энг муҳим футболчи бўлганини билади. Менимча, бу йил ‘Олтин тўпъни Ламин Ямал қўлга киритиши керак”, дейди де ла Фуэнте.
Маълумот ўрнида, жорий йилги тақдирлаш маросими ўзига хос аҳамият касб этади. Мукофот ташкилотчилари — France Football нашри ва УЕФА 70 йил ичида биринчи марта тадбирни Франция пойтахтидан бошқа жойга кўчиришга қарор қилди. Маросим 26 октябрь куни Лондонда бўлиб ўтади.
Эслатиб ўтамиз, ўтган йили ушбу соврин “Пари Сен-Жермен” вингери Усмон Дембелега насиб этган бўлса, 2024 йилда уни испаниялик футболчи Родри қўлга киритган эди.
