Apple компанияси iOS 27 операцион тизимида янги — iPhone Handoff функциясини ишга туширмоқда. Бу функция ёрдамида битта eSIM рақамини бир вақтнинг ўзида иккита iPhone’да ишлатиш мумкин бўлади. Бу ҳақда компания ўтган йилги WWDC 2026 конференциясида қисқача айтиб ўтган, бироқ тафсилотларни ошкор қилмаган эди.
Қайд этилишича, ушбу функция ёқилганда асосий iPhone ўзининг бош SIM-картасини сақлаб қолади, иккинчи смартфонга эса унинг дубльикат версияси бириктирилади. Бу эса фойдаланувчиларга бир рақамни сақлаган ҳолда қурилмалар ўртасида тезкор алмашиш имконини беради.
Алоқа созламалари асосий қурилмада қолади, бироқ геолокация айни вақтда ушбу рақамдан фойдаланаётган iPhone орқали аниқланади. Функцияни “Созламалар” (“Настройки”) → “Мобил алоқа” (“Сотовая связь”) менюси орқали ёқиш мумкин бўлади.
Бироқ iPhone Handoff функцияси ишлаши учун алоқа операторларининг қўллаб-қувватлаши талаб этилади. Дастлабки маълумотларга кўра, ундан биринчилардан бўлиб АҚШдаги Т-Mobile ва Германиядаги Deutsche Telekom мижозлари фойдалана олишади.
Маълумот ўрнида, iOS 27 тизими шу ойнинг охирида тақдим этилади. Келаси ҳафтада эса Apple ўзининг навбатдаги тақдимотини ўтказиб, унда iPhone 18 Pro, iPhone 18 Pro Max ҳамда компаниянинг илк букланадиган экранга эга смартфони — iPhone Ultra моделини сотувга чиқариши кутилмоқда.
