Бразилиялик вингер Габриэль Мартинелли Англиянинг “Арсенал” клубидан Саудия Арабистонининг “Ал-Ҳилол” жамоасига ўтди. Трансфер ҳақида Саудия клуби матбуот хизмати жамоанинг расмий сайтида маълум қилди.
25 ёшли футболчи янги клуби билан тўрт мавсумга — 2030 йил ёзигача шартнома имзолади. У йилига 20 миллион евро маош олади.
Мартинелли 2019 йил ёзидан буён “Арсенал” сафида тўп тепиб келаётган эди. У Лондон клуби таркибида 278 та учрашувда майдонга тушиб, 62 та гол урган ва 36 та голли узатмани амалга оширган. Бразилиялик футболчи “Арсенал” билан Англия чемпионати, Англия Кубоги ва Суперкубогида ғолиб чиққан.
Маълумот учун, Мартинеллининг “Арсенал” билан шартномаси 2027 йил ёзигача мўлжалланган эди. Transfermarkt портали футболчининг бозор қийматини 45 миллион еврога баҳоламоқда.
Мартинеллининг “Ал-Ҳилол”га трансфери “Арсенал” тарихидаги энг қиммат футболчи сотуви бўлди. Саудия клуби футболчи учун 70 миллион евро тўлади. Бразилиялик вингер янги жамоасида 7-рақам остида тўп суради.
