Саудия Арабистонининг “Ан-Насср” клуби ҳужумчиси Криштиану Роналду отасининг вафоти муносабати билан пост эълон қилган “Интер Майами” ва Аргентина терма жамоаси ҳужумчиси Лионель Мессига ҳамдардлик билдирди.
“Ушбу оғир кунларда сени ва яқинларингга сабр тилайман, Лео. Кучлироқ бўл”, дея изоҳ ёзди Роналду Мессининг Instagram саҳифасидаги постига.
Мессининг отаси 2026 йил 8 август куни 68 ёшида вафот этди. Аввалроқ Хорхе Месси Росарио шаҳридаги клиникада ҳаётдан кўз юмгани ҳақида хабар берилганди. У узоқ вақт давомида касаллик билан курашган, бироқ айнан қандай хасталикдан азият чеккани маълум қилинмаган.
Маълумот учун, Лионель Месси Аргентина терма жамоаси сафида ЖЧ-2026 финалига қадар етиб борди ва 8 та гол уриб, 4 та голли узатмани амалга оширди.
