Мадриднинг “Реал” клуби янги харидларни амалга ошириш мақсадида таркибда жиддий “тозалаш” ишларини олиб боради. Бу ҳақда The Athletic нашри хабар берди.
Манбанинг таъкидлашича, жамоа ҳимоячилари Давид Алаба ва Антонио Рюдигер шартномаси якунлангач, эркин агент сифатида клубни тарк этиши кутилмоқда. Шунингдек, раҳбарият захира ўйинчилари Даниэль Себальос ва Гонсало Гарсияни сотиш вариантларини кўриб чиқмоқда. Жамоа сардори Даниэль Карвахальнинг клубдаги келажаги эса ҳозирча ноаниқлигича қолмоқда.
Клуб раҳбарияти бўлажак трансфер ойнасини “навбатдаги оддий жараён” деб атаётган бўлса-да, вазиятдан хабардор манбалар янги футболчиларни сотиб олиш учун таркибдагилардан бир қанчасини сотиш зарурлигини таъкидламоқда. Ўзгаришлар кутилганидан ҳам кенг кўламли бўлиши, ҳатто клубнинг спорт бўлимида таркибий ислоҳотлар амалга оширилиши ҳам истисно этилмаяпти.
Маълумот учун, “Реал” жорий мавсумни совринсиз якунламоқда. Жамо Испания Кубогида “Альбасете”га мағлуб бўлган бўлса, Ла Лига чемпионлиги учун кечган курашда “Барселона”га имкониятни бой берди. Чемпионлар Лигасида эса “Бавария”га мағлуб бўлиб, турнир билан хайрлашди.
