Сурия президенти Аҳмад аш-Шараъа ўзининг икки акаси — Маҳер ва Ҳаземни маъмуриятдаги юқори лавозимларидан бўшатди. Бу ҳақда президентга яқин манбага таяниб, i24News хабар берди.
Маълум қилинишича, тегишли қарор ҳукуматдаги кадрлар алмашинуви ҳамда Сурия халқи билан ишончни қайта тиклашга уриниш доирасида қабул қилинган.
Маҳер аш-Шараъа Сурия президенти маъмуриятининг бош котиби лавозимида ишлаб келаётган эди. Унинг ўрнига Ҳомс вилоятининг собиқ губернатори Абдураҳмон ал-Оама тайинланди.
Маҳернинг рафиқаси россиялик бўлиб, ўзи ҳам рус тилида гаплаша олади. Шу сабабли у Аҳмад аш-Шараъа ва Москва ўртасидаги ўзига хос “кўприк” ҳисобланади.
i24News
анбасига кўра, Маҳер яқин орада Суриянинг Россиядаги элчиси этиб тайинланиши кутилмоқда.м
Президентнинг яна бир акаси — Ҳазем аш-Шараъа Иқтисодий ривожланиш бўйича олий кенгаш вице-президенти лавозимидан кетди. Апрель ойида уларнинг отаси, иқтисодий шарҳловчи Ҳусайн аш-Шараъа ўғиллари ҳақида гапириб, Маҳер ва Ҳазем ўз лавозимларини “қўллари пок ва яхши обрў билан” тарк этишини айтганди.
