Мадриднинг “Реал” клуби собиқ ҳимоячиси Марселo Криштиану Роналдунинг ҳамма ҳам эътибор беравермайдиган хислатлари ҳақида сўзлаб берди.
Бразилиялик футболчининг айтишича, португалиялик юлдуз нафақат ўзининг сермаҳсуллиги ва профессионаллиги, балки майдонни кўра олиш қобилияти билан ҳам бошқалардан ажралиб турган.
“Унинг қанчалик буюк ўйинчи экани ҳақида кун бўйи гапиришим мумкин, буни ҳамма кўриб турибди. Бироқ мухлислар кўзидан яширин бўлган жиҳат — Криштианунинг ақли ва етакчилик қобилиятидир.
Баъзан ўйинлардан олдин у ёнимга келиб: ‘Марсело, ўйин бошида кўп олдинга ўтма, бир оз орқароқда тургин — рақиб масаласини ўзимиз ҳал қиламиз’, дерди. Кейин Карвахальнинг ёнига бориб, унга ҳам кўрсатмалар берарди”, дейди Марселo.
Маълумот учун, Криштиану Роналду 2009–2018-йиллар давомида “қироллик клуби” шарафини ҳимоя қилган. У мадридликлар сафида клуб тарихидаги энг яхши тўпурарга айланиш билан бирга, тўрт бор Чемпионлар лигаси ғолиблигини қўлга киритган. Футболчи ҳозирда Саудия Арабистонининг “Ан-Насср” клуби шарафини ҳимоя қилади. Унинг риёдликлар билан шартномаси 2027-йилга қадар амал қилади.
